15.1 C
Kathmandu
 

काठमाडौं क्षेत्र नम्बर ७ मा पार्टीको सिटै गुम्ने गरी उपचुनाव हुँदैन : अध्यक्ष प्रचण्ड

काठमाडौं – सत्तारुढ नेपाल कम्युनिष्ट पार्टी (नेकपा) का अध्यक्ष पुष्पकमल दाहालले काठमाडौं क्षेत्र नम्बर ७ मा उपचुनाव हुने विषयमा पार्टीमा निर्णय हुन बाँकी रहेको बताउनु भएको छ ।

सांसद रामवीर मानन्धरले राजीनामा दिएर नेता वामदेव गौतमलाई चुनावमा लडाउने चर्चा भैरहेका बेला अध्यक्ष दाहालले त्यससम्बन्धमा पार्टीभित्र निर्णय भैनसकेको प्रष्टयाउनु भएको हो ।

अध्यक्ष दाहालले काठमाडौं क्षेत्र नम्बर ७ मा पार्टीको सिट गुम्ने गरी उपचुनाव नहुने भन्दै पार्टीका नेता, कार्यकर्तालाई ढुक्क हुन पनि आग्रह गर्नुभयो । बुधबार दसैँको अवसर पारेर काठमाडौंमा आयोजित शुभकामना आदानप्रदान तथा चियापान कार्यक्रममा बोल्दै अध्यक्ष दाहालले केपी ओली नेतृत्वको वर्तमान सरकारलाई पाँच वर्षसम्म शासन गर्न कुनै व्यवधान नरहेको पनि स्पष्ट पार्नुभयो । उहाँले पार्टी र सरकारको कामलाई समीक्षा गर्दै अगाडि बढाउने प्रतिवद्धता पनि व्यक्त गर्नुभयो ।

अध्यक्ष दाहालले मुलुकमा लगानीको वातावरण बनाउन आवश्यक ऐन, कानुन, नीति बनाउन पनि सरकारलाई आग्रह गर्नुभयो ।

- Advertisement -spot_img

More articles

LEAVE A REPLY

Please enter your comment!
Please enter your name here

भर्खर