15.1 C
Kathmandu
 

नाराले आयोजना गरेको तीन दिने एड्भान्स रिभर गाइड तालिम सम्पन्न

काठमाडौं – नेपाल एसोसिएशन अफ् राफ्टिङ एजेन्टस् (नारा)ले आयोजना गरेको तीन दिने एड्भान्स रिभर गाइड तालिम सम्पन्न भएको छ
जलयात्राका लागि विश्वमै उत्कृष्ट रहेको भोटेकोशी नदीमा आयोजना गरिएको तालिममा ४५ जना सहभागी रहेका थिए । यही जेठ २२ देखि २४ सम्म सञ्चालन गरिएको तालिमलाई ३ विद्यामा सञ्चालन गरिएको थियो । जसमा इन्स्ट्रक्टर रिभर, फस्र्ट एड तथा लिडरशीप र मोटिभेशन रहेका थिए । उनीहरुलाई एसियामै प्रसिद्धि कमाएका प्रशिक्षकहरु चन्द्र आले, चुडामणी अर्याल, निमबहादुर मगर, कमल ठकुरी तथा अच्यूत गौतमले सैद्धान्तिक तथा व्यवहारिक तालिम दिएका थिए ।अन्तर्राष्ट्रिय जगतमा नेपालको साहसिक जलयात्राको बारेमा व्यापक प्रचारप्रसार गरी समग्र पर्यटन व्यवसायको विकास गर्ने, नेपाललाई उत्कृष्ट साहसिक जलयात्रा गन्तव्य देशको रुपमा स्थापित गराउने, साहसिक जलयात्रा व्यवसायमा संलग्न नेपाली जनशक्तीहरुलाई साहसिक जलयात्रामा अन्तर्राष्ट्रियस्तरका ज्ञान तथा शीपहरुको बारेमा अवगत गराई उनीहरुको दक्षतामा अभिवृद्धि गर्ने लगायत उद्देश्यका साथ तालिम सञ्चालन गरिएको नाराका महासचिव शिव अधिकारीले बताए । कार्यक्रमको प्रबद्र्धन नेपाल पर्यटन बोर्डले गरेको थियो ।

- Advertisement -spot_img

More articles

LEAVE A REPLY

Please enter your comment!
Please enter your name here

भर्खर