एजेन्सी – फ्रान्सका युवा खेलाडी किलियन एमबाप्पेको उत्कृष्ट प्रदर्शनमा फ्रान्सेली लिग वानमा पेरिस सेन्ट जर्मेन (पीएसजी) ले ल्योनविरुद्ध ५ गोल गरेको छ । आइतबार राति भएको खेलमा ल्योनविरुद्ध एमबाप्पेले ४ गोल गरे भने नेयमारले एक गोल गरेका थिए ।
खेलको नवौं मिनेटमा पीएसजीको अग्रताका लागि स्टार खेलाडी नेयमारले गोल गर्दै टोलीलाई अग्रता दिलाएका थिए । त्यसछि खेलको ३२ औं मिनेटमा पीएसजीका प्रेसेनेल किमबेम्बेले रातो कार्ड पाएपछि १० खेलाडीमा सीमित भएको पीएसजीले पहिलो हाफमा १—० गोलको अग्रता राखेको थियो । पहिलो हाफमा थप गरिएको समयमा ल्योनका लुकाज टुस्टाटले पनि रातो कार्ड पाएपछि ल्यानेपनि १० खेलाडीमा सीमित भएको थियो ।
ad ad ad
दोस्रो हाफमा पीएसजीका लागि एमबाप्पेले गोलको वर्षा नै लगाए । उनले १३ मिनेटको समयमा ४ ल्योन विरुद्ध ४ गोल गरे । एमबाप्पेले खेलको ६१, ६६, ६९ र ७४ औं मिनेटमा उत्कृष्ट गोल ह्याट्रिक पुुरा गर्दै टिमलाई ५ गोल अन्तरको फराकिलो नतिजा दिलाएका थिए । जितसँगै पीएसजीले ९ खेलमा २७ अंक सहित लिग वानको शीर्ष स्थानमा रहेको छ भने पराजित भएको ल्योन १४ अंक सहित छैठौं स्थानमा रहेको छ ।
