10.1 C
Kathmandu
 

एजेण्डा बिर्सिएर ‘प्रधानमन्त्री-मन्त्री’ पदको आश्वासन दिदै सत्ता गठबन्धनका नेता

काठमाडौं । सत्तारूढ गठबन्धनका शीर्ष नेता ‘चुनावी एजेण्डा ’का आधारमा भन्दा आफ्ना उम्मेदवार जिताउन ‘प्रधानमन्त्री र मन्त्री बनाउने’ भन्दै मतदाताका घरदैलोमा छन् । विभिन्न जिल्ला गएर ‘गठबन्धन उम्मेदवारलाई जिताएको खण्डमा प्रधानमन्त्री तथा मन्त्री बनाइने’ भन्दै उनीहरूले मतदातालाई ‘मनोवैज्ञानिक दबाब’ दिन थालेको पाइएको हो । जनतालाई विकास, समृद्धि र सुशासन एजेन्डामा सहमत गराउन छोडेर ‘तपाईंका क्षेत्रका उम्मेदवारलाई जिताएको खण्डमा प्रधानमन्त्री र मन्त्री नै बनाइदिन्छौं’ भन्दै जनतामा भ्रम छर्न थालेपछि सत्तारूढ दलका नेता आलोचित बन्न थालेका छन् ।

सत्तारूढ गठबन्धनको दोस्रो ठूलो दल नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ ले सोमबार तनहुँमा आयोजित कार्यक्रममा ‘तनहुँ क्षेत्र नम्बर १ का उम्मेदवार तथा कांग्रेसका वरिष्ठ नेता रामचन्द्र पौडेललाई जिताएर पठाएको खण्डमा प्रधानमन्त्री बनाउन सकिने’ भन्दै मतदातालाई मनोवैज्ञानिक दबाब दिएका छन् । यद्यपि, सत्तारूढ कांग्रेसभित्र प्रधानमन्त्रीका लागि यसअघि नै चार जनाले दाबी पेस गरिसकेका छन् भने कांग्रेस प्रवक्ता डा. रामशरण महतले पटकपटक विज्ञप्ति जारी गर्दै गठबन्धनले चुनाव जितेमा पार्टी सभापति शेरबहादुर देउवा नै प्रधानमन्त्री बन्ने उद्घोष गर्दै आएका छन् ।

पौडेललाई प्रधानमन्त्री बनाउन सकिने बताएका माओवादी अध्यक्ष प्रचण्ड आफैं पनि चुनावमा गठबन्धनले जितेमा प्रधानमन्त्रीको जिम्मेवारी लिन तयार रहेको बताउँदै आएका छन् । चुनावका बेला नेताहरूले जित्नकै लागि विभिन्न हत्कण्डा अपनाउने गरेको र त्यसैको विकृत रूपमा प्रधानमन्त्री र मन्त्री पद बाँड्न थालिएको छ । जनतालाई एजेण्डामा सहमत गराउने हो तर अहिले सत्तारूढ गठबन्धनका नेताले आफ्ना उम्मेदवारलाई जिताएमा प्रधानमन्त्री तथा मन्त्री बनाउँछौं भन्दै हिँडेका छन्, जुन गलत हो ।यो समाचार आजको राजधानी दैनिकमा प्रकाशित छ ।

- Advertisement -spot_img

More articles

LEAVE A REPLY

Please enter your comment!
Please enter your name here

भर्खर