काठमाण्डाै – काठमाण्डौको बालुवाटारमा रहेको इन्टरनेट सेवा प्रदायक सुबिसुको कार्यालयमा आगलागी भएको छ । आधा घण्टाअघि देखि लागेको आगो अझै निभाउन सकिएकाे छैन ।
आगो निभाउन नेपाली सेना, नेपाल प्रहरी, स्थानीय बसिन्दालगायतले प्रयास गरिरहेका छन् । वारुण यन्त्रमार्फत आगो नियन्त्रणमा लिने प्रयास भए पनि आगो ठूलो फैलिएकाले नियन्त्रणमा आउन ढिलाइ भएको छ ।
कार्यालय वरपर रहेका बिजुलीका पाेल तथा तार जलेर नष्ट भएकाे छ । आगाे अझै पनि नियन्त्रण बाहिर नै रहेकाे छ ।
आगलागीकाे कारण भने अहिलेसम्म नखुलेकाे प्रहरीले बताएकाे छ ।
