27.1 C
Kathmandu
 

काँग्रेस सभापति देउवाले लगाए सरकारलाई यस्तो आरोप

काठमाडौं– नेपाली काँग्रेसका सभापति शेरबहादुर देउवाले लोकसेवा आयोगमा पनि भनुसुन चल्न थालेको भन्दै नेपालमा भनसुन उद्योग फस्टाएको बताएका छन् ।

शनिबार राजधानीमा आयोजित नेपाली कांग्रेसका युवा नेता गुरुराज घिमिरेको ‘मान्छेका कथाहरु’ कथा संग्रह लोकार्पण कार्यक्रमा सभापति देउवाले नेपालमा सबै भन्दा ठूलो उद्योगको रुपमा भनसुन उद्योग फस्टाउँदै गएको बताएका हुन् । लोकसेवा आयोगको परीक्षामा समेत भनसुन चल्ने गरेको उनको दाबी थियो । अहिले धेरैले भनुसुन उद्योगमा रोजगारी पाएको उनको भनाई छ ।

सभापति देउवाले भने“नेपालमा भनसुन उद्योग सुरु भईसक्यो । सबै भन्दा ठूलो उद्योग भनेको भनसुन उद्योग हो । जसको भनसुन हुन्छ उसको चल्छ । लोकसेवा अयोगको लिखित परीक्षा पास भएर के गर्नुहुन्छ ? उसको भनसुन गर्ने मान्छे थिएन फेल गर्दिए ।”

सभापति देउवाले निर्मला पन्तको हत्यारा अहिलेसम्म पत्ता लाग्न नसकेको, दण्डहिनता र हिंसाका घटनाहरु बढ्दै गएको , भ्रष्टाचार लगायत शुसासन कायम हुन नसकेकाले मुलुकमा असल राजनीतिज्ञको आवश्यकता रहेको बताए ।

उनले लोकसेवा आयोगमा पनि भनसुन चल्न थालेको खुलासा गरेपछि प्रधामन्त्री निवास वालुवाटारमा खैलावैला मच्चिएको छ । कसले, कहाँ र कसरी भनसुनमा काम गर्यो भनेर खोजी गर्नपर्ने आवाज बालुवाटारमा उठेको बालुवाटार श्रोतको भनाई छ ।

- Advertisement -spot_img

More articles

LEAVE A REPLY

Please enter your comment!
Please enter your name here

भर्खर