काठमाडौं, १० साउन । मौसम पूर्वानुमान महाशाखाकाअनुसार आज दिउँसो देशभर सामान्य बदली रही केही स्थानहरुमा हल्कादेखि मध्ययम वर्षा हुनेछ । देशको पश्चिम तथा पूर्वी भेगका एकदुई स्थानमा भारी वर्षाको सम्भावना रहेको महाशाखाले जनाएको छ ।
राती देशभर सामान्य बदली रहि केही स्थानमा हल्कादेखि मध्यम वर्षा हुनेछ । आज राति देशको पश्चिम तराईका केही स्थानमा भारी बर्षाको सम्भावना रहेकाले सचेत रहन मौसमविद्ले आग्रह गरेका छन् । मनसुनी न्यूनचापीय रेखा नेपालभन्दा तलतिर सर्दै गएकाले अबको केहीदिन मौसमी गतिविधि केही कमजोर हुने महाशाखाले जनाएको छ । शनिबार र आइतबार पनि देशभरको मौसम सामान्यदेखि आंशिक बदली रहने महाशाखाको पूर्वानुमान छ ।
