बर्दिया – पौडी खेल्ने क्रममा खोलामा डुबेर दुई जना बालबालिकाको ज्यान गएको छ ।
ठाकुरबाबा नगरपालिका– ६ मोतिपुरको गिठे खोलामा डुबेर स्थानीय रामबहादुर गिरीकी १० वर्षीय छोरी सीता गिरी र केशवनाथ योगीका ८ वर्षीय छोरा ध्रुवनाथ योगीको ज्यान गएको इलाका प्रहरी कार्यालय भुरीगाउँले जनाएको छ ।
स्थानीयले पानी जमाउनका लागि खोलामा खाल्डो खनेका थिए । खोलामा वर्षापछि पानी जमेको खाल्डोमा पौडी खेल्न खोज्दा दुवै जना डुबेको इलाका प्रहरी कार्यालय भुरीगाउँका प्रहरी निरीक्षक प्रदीपकुमार डीसीले जानकारी दिनुभयो ।
डुबेर बेपत्ता भएको झण्डै दुई घण्टापछि प्रहरी र स्थानीयले शव फेला पारेका थिए ।
