17 C
Kathmandu
 

उद्योग वाणिज्य महासंघको साधारणसभा : बन्दसत्रमा कसले के भने ?

काठमाडौं । नेपाल उद्योग वाणिज्य महासंघका उमेदवारहरुले आफूलाई निर्वाचित गराउन आग्रह गरेका छन् । साधारणसभाको बन्दसत्रमा वरिष्ठ उपाध्यक्ष एवं उपाध्यक्षका उमेदवारहरुले आ-आफ्नो एजेन्डा प्रस्तुत गर्दै मतदान गर्न आग्रह गरेका हुन् ।

बन्दसत्रमा वरिष्ठ उपाध्यक्षका उमेदवार चन्द्रप्रसाद ढकालले आफ्नो टिम सन्तुलित रहेको बताए । भौगोलिक, व्यावसायिक हरेक हिसाबले आफ्नो टिम सन्तुलित एवं बलियो रहेको बताए । उनले उमेदवारको आफ्नै एजेन्डा हुनुपर्नेमा पनि जोड दिए । वरिष्ठ उपाध्यक्षका अर्का उमेदवार किशोर प्रधानलाई लक्षित गर्दै उनले अब आउने अध्यक्षको एजेन्डा नै आफ्नो एजेन्डा भन्नु व्यावसायिक नभएको बताए ।“वरिष्ठ उपाध्यक्ष भनेको अबको नेतृत्वपछि नेतृत्वमा जाने हो । त्यसैले आफू नेतृत्वमा जाँदा के काम गर्छु भन्ने एजेन्डा वरिष्ठ उपाध्यक्षको उमेदवारसँग हुनुपर्छ,” उनले भने । उनले सिनियर हुँदैमा नेतृत्व पाउनुपर्छ भन्ने पनि नरहेको बताए । भवानी राणा, शेखर गोल्छाको उदाहरण दिँदै उनले सिनियर हुँदैमा निर्वाचित गराउनुपर्ने र नेतृत्व पाउनुपर्छ भन्ने नहुने बताए ।

अर्का वरिष्ठ उपाध्यक्षका उमेदवार किशोर प्रधानले महासंघमा २८ वर्षदेखिको अनुभव रहेको भन्दै आफूलाई नेतृत्वमा लैजान आग्रह गरे । “महासंघमा नि:स्वार्थ रुपमा काम गर्न खोजेको छु । मेरो लगनशीलता र कामको अनुभवलाई हेरेर सहयोग गर्न आग्रह गर्दछु,” उनले भने ।

महासंघलाई चन्द्र ढकालको पनि आवश्यकता रहेको भन्दै उनले अहिलेलाई आफूलाई छाडेर सहयोग गर्न पनि उनले आग्रह गरे । “मेरो भाइ चन्द्र ढकाल राम्रो मान्छे हो । उहाँको आवश्यकता महासंघलाई छ । मेरो २८ वर्षको अनुभव र योगदानलाई हेर्दै दाइलाई अगाडि बढाउन आग्रह गर्छु,” उनले भने ।

जिल्ला नगरतर्फका उपाध्यक्षहरु गुणनिधि तिवारी र दिनेश श्रेष्ठ, वस्तुगततर्फका उपाध्यक्षहरु अन्जन श्रेष्ठ र उमेशलाल श्रेष्ठ, एसोसिएटतर्फका उपाध्यक्षका उमेदवारहरु रामचन्द्र संघाई र सौरभ ज्योतिले आफ्नो कार्यकालमा गरिने कामका योजनाबारे जानकारी गराएका थिए ।

जिल्लातर्फका उपाध्यक्षका उमेदवार तिवारीले आफूहरुले गरेको प्रतिबद्धता निर्वाचित भएको एक वर्षसम्म पनि आभाष हुने किसिमले काम नगरे पदमा नरहने बताए । उनले जिल्ला नगरको उपाध्यक्षमा जिल्लाबाटै निर्वाचित गरिनुपर्ने पनि बताए ।

प्रधान र ढकालको उपाध्यक्षसहित कार्यसमिति सदस्यहरु पनि प्यानलनै छ । प्रधानको प्यानलबाट जिल्ला नगरको उपाध्यक्षमा दिनेश श्रेष्ठ, वस्तुगत उपाध्यक्षमा अन्जन श्रेष्ठ र एसोसिएट उपाध्यक्षमा सौरभ ज्योति छन् ।

यसैगरी ढकालको प्यानलबाट जिल्ला नगरको उपाध्यक्षमा गुणनिधि तिवारी, वस्तुगत उपाध्यक्षमा उमेशलाल श्रेष्ठ र एसोसिएट उपाध्यक्षमा रामचन्द्र संघाई छन् ।

वरिष्ठ उपाध्यक्षसहितको नयाँ कार्यसमिति सदस्यका लागि भोलि शनिबार बिहान ८ बजेदेखि मतदान हुँदै छ । वार्षिक साधारणसभाको हिजो प्रधानमन्त्री केपी शर्मा ओलीले उद्घाटन गरेका थिए ।

- Advertisement -

More articles

LEAVE A REPLY

Please enter your comment!
Please enter your name here

भर्खर

हिटर सर्ट भएर आगो लाग्दा कलंकीमा एक वृद्धको मृत्यु

६ माघ, काठमाडौं । काठमाडौंको कलंकीमा आगोले जलेर एक वृद्धको मृत्यु भएको छ । ८६ वर्षीय शिवराम खड्काको जलेर ज्यान गएको महानगरीय प्रहरी वृत्त...

भारतको गुजरातमा फुटपाथमा सुतेका मजदुरलाई ट्रकले कुल्चिँदा १५ जनाको मृत्यु

६ माघ, काठमाडौं । भारतीय राज्य गुजरातमा सोमबार राति फुटपाथमा सुतेका मजुदरलाई ट्रकले किच्दा १५ जनाको मृत्यु भएको छ । गुजरातको सुरत भन्ने स्थानको...

अमेरिकामा कोरोना संक्रमितको संख्या २ करोड ३५ लाख

६ माघ, काठमाडौं । अमेरिकामा कोरोना संक्रमितको संख्या २ करोड ३५ लाख ५६ हजार ६७६ पुगेको छ । विश्व स्वास्थ्य संगठनको तथ्यांक अनुसार पछिल्लो...

अनलाइन सञ्चारमाध्यम नवीकरण गर्ने व्यवस्था खारेजीको माग गर्दै रिट

६ माघ, काठमाडौं ।अनलाइन सञ्चारमाध्यम हरेक वर्ष नवीकरण गर्नुपर्ने प्रावधानको खारेज गर्न माग गर्दै सोमबार सर्वोच्च अदालतमा रिट दर्ता भएको छ । पत्रकार तथा...

कोरोना संक्रमणका कारण विश्वमा मृत्यु हुनेको संख्या २० लाख २६ हजार नाघ्यो

६ माघ, काठमाडौं । कोरोना संक्रमणका कारण विश्वमा मृत्यु हुनेको संख्या २० लाख २६ हजार नाघेको छ । विश्व स्वास्थ्य संगठनको तथ्यांक अनुसार हालसम्म...