15.1 C
Kathmandu
 

मैलुङ–स्याफ्रु सडक फेरि अवरुद्ध

रसुवा – अविरल वर्षाका कारण विभिन्न स्थानमा पहिरो गएपछि रसुवागढी नाका जोड्ने मैलुङ–स्याफ्रु सडकखण्ड अवरुद्ध भएको छ । बाढीले क्षति गरेको सडक सोमबार मर्मत गरेपछि सञ्चालनमा आएकोमा थियो ।

सोमबार राति परेको पानीका कारण विभिन्न स्थानमा पहिरो गएपछि यो सडक फेरि अवरुद्ध भएको प्रहरी निरीक्षक ईश्वरी प्रसाद भण्डारीले बताउनुभयो ।

त्यसैगरी पहिरोको कारण सोमबार रातिदेखि अवरुद्ध रहेको रसुवागढी नाका जोड्ने स्याफ्रु–रसुवागढी सडक भने खुलेको छ । सडक खण्डको तातोपानी क्षेत्रमा गएको पहिरो पन्छाएसँगै सडकमा सवारी सञ्चालन सुरु भएको प्रमुख जिल्ला अधिकारी अर्जुन भण्डारीले बताउनुभयो ।

यो क्षेत्रमा गएको हप्ता पनि पहिरोले सडक अवरुद्ध बनाएको थियो । स्याफ्रु–रसुवागढी सडकखण्ड पहिरोको जोखिममा छ ।

- Advertisement -spot_img

More articles

LEAVE A REPLY

Please enter your comment!
Please enter your name here

भर्खर