27 C
Kathmandu
 

बजार खुलेसँगै व्यापारीका नेता अनुगमनमा, बढ्यो चहलपहल

दाङ । व्यापारिक नेताहरुकै आग्रहमा बजार खुला भएपछि उनीहरु स्वयं बजार अनुगमनमा पुगेका छन् । दाङ जिल्ला उद्योग वाणिज्य संघले व्यावसायिक प्रतिष्ठानहरुमा स्वास्थ्य सुरक्षा मापदण्ड पूरा भए/नभएको बारेमा अनुगमन गरेको हो ।

सोमबारदेखि बजारमा पुगेर मापदण्ड पूरा गरे/नगरेको बारेमा जानकारी लिन थालिएको हो । निषेधाज्ञा खुलेपछि व्यापारमा भिड बढेपछि मापदण्ड पुगे/नपुगेको अनुगमन गरिएको अनुगमन समिति संयोजक टंकसिंह बुढाथोकीले बताए ।

अनुगमनका क्रममा व्यवसायीहरुले स्वास्थ्य मापदण्ड पूरा गरेको बुढाथोकी बताउँछन् । ‘‘अनुगमनका क्रममा नागरिकहरु सचेत रहेको पाएका छौं,’’ उनले भने । केही स्थानमा व्यक्ति-व्यक्तिबीचको दूरी कायम नराखेको पाइएको उनले बताए ।

उनका अनुसार दूरी कायम नभएका स्थानमा सेवाग्राहीलाई सचेत गराइएको छ । व्यवसायीहरुलाई व्यवसाय गर्दा अपनाउनुपर्ने अन्य सजगताबारे पनि जानकारी गराइएको थियो भने सचेतनामूलक सन्देश लेखिएका स्टिकर पनि टाँसिएको थियो ।

बजार खुलेसगै बढ्यो चहल-पहल
सोमबारदेखि निषेधाज्ञा खुकुलो भएसँगै बजारमा चहल-पहल बढेको छ । जिल्ला प्रशासन कार्यालय दाङले निषेधाज्ञा खुकुलो गराएसँगै बिहान ६ देखि साँझ ७ बजेसम्म व्यवसाय सञ्चालन भएका छन् । जिल्लाभित्र निजी तथा सार्वजनिक सवारीका साधनहरु जोर-बिजोरका आधारमा सञ्चालन भएका छन् ।

लामो समयदेखि बन्द रहेका व्यवसायहरु सञ्चालनमा आएपछि व्यवसायमा सुधार आउने अपेक्षा व्यवासायीहरुले गरेका छन् । उनीहरुले निषेधाज्ञा अन्त्य गर्न आग्रह गरेका छन् । सवारीसाधन तथा बजार खुलेपछि नागरिकले केही सहजता महसुस गरेका छन् । लामो समयको निषेधाज्ञाले नागरिकहरुमा रोगको भन्दा पनि भोकको समस्या थियो । निषेधाज्ञा खुकुलो भएसँगै नागरिकहरु काम गरेर खान पाइने अपेक्षामा छन् ।

 

- Advertisement -

More articles

LEAVE A REPLY

Please enter your comment!
Please enter your name here

भर्खर

कर्मचारी भर्ना गर्न प्रदेश २ सरकारले लोक सेवा आयोगलाई दियो स्वीकृति

१२ असोज, जनकपुरधाम । प्रदेश २ सरकारले संघीय ऐनलाई नै टेकेर कर्मचारी भर्ना गर्न प्रदेश लोकसेवा आयोगलाई स्वीकृति दिएको छ । प्रदेशमा निजामति सेवा ऐन...

सुनचाँदीकै मूल्य स्थिर

काठमाडौं । नेपाली बजारमा आज सुनचाँदीकै मूल्य स्थिर बनेको छ । नेपाल सुनचाँदी व्यवसायी महासंघका अनुसार सुन अघिल्लो दिनकै भाउमा किनबेच भइरहेको हो । आज...

चितवनमा डिएसपीसहित ८ प्रहरीमा कोरोना संक्रमण

चितवन, असोज १२। चितवन प्रहरीका प्रवक्तासमेत रहेका डिएसपी सूर्यबहादुर थापासहित ८ जना प्रहरीहरूमा कोरोना संक्रमण पुष्टि भएको छ। आइतबार राति सार्वजनिक गरिएको रिपोर्टमा उनीहरूमा कोरोना...

भोलिदेखि बर्दियामा जोरबिजोर प्रणाली

गुलरिया । कोरोना भाइरसको सङ्क्रमण दर दिन प्रतिदिन बढेसँगै बर्दियामा जोर-बिजोर प्रणाली लागू गरिने भएको छ । प्रमुख जिल्ला अधिकारी लीलाधर अधिकारीको अध्यक्षतामा आइतबार...

नबिल बैंकले ७.७५ प्रतिशतको ब्याजदरमा सेयर धितोकर्जा दिने

काठमाडौं । नबिल बैंकले नेपाल धितोपत्र बजार (नेप्से) मा कारोबार हुने सेयरहरु धितो राखी सस्तो ब्याजदरमा ‘सेयर धितो कर्जा’ उपलब्ध गराउने जनाएको छ । ५० लाख अथवा...