रामेछाप – रामेछापको लिखु तामाकोशी गाउँपालिका वडा नम्बर–१, दुरागाउँको गुरुवाङ्गमा जीप दुर्घटनामा चालकको ज्यान गएको छ ।
ना ४ च ६२०५ नम्बरको जीप शनिबार बिहान दुर्घटना हुँदा चालक क्याल्वु तामाङको ज्यान गएको जिल्ला प्रहरी कार्यालय रामेछापका प्रहरी नायब उपरीक्षक सन्तोषकुमार भट्टराईले जानकारी दिनुभयो ।
दुर्घटनामा परि दुरागाउँकै वडा अध्यक्ष निङमार तामाङ घाइते हुनु भएको छ । उहाँको अहिले दुरागाउँ स्वास्थ्य चौकीमा उपचार भइरहेको छ ।
