25.1 C
Kathmandu
 

धान दिवसको मूल कार्यक्रम बर्दियामा हुने

काठमाडौं । सरकारले यस वर्ष धान दिवस तथा रोपाइँ दिवसको मूल कार्यक्रम बर्दियामा गर्ने भएको छ । कृषि विभाग अन्तर्गत गठित सोह्रौं राष्ट्रिय धान दिवस तथा रोपाइँ महोत्सव मूल आयोजक समितिले बुधबार विभागमा पत्रकार सम्मेलन यो जानकारी दिएको हो ।
यस वर्षको धान दिवसको मूल कार्यक्रम बर्दियाको राजापुर नगरपालिका वडा नम्बर ८ धोविनीपुरमा गरिने भएको छ । दिवसको नारा ‘धान खेतीमा प्रविधि र यान्त्रिकीकरण, चामल आयातमा न्यूनीकरण’ तय गरिएको छ ।
पत्रकार सम्मेलनमा चालु आर्थिक वर्षमा धानको उत्पादन अहिलेसम्मकै उच्च भएको जानकारी पनि गराइयो । अघिल्लो वर्षको तुलनामा करिब ९ प्रतिशतले वृद्धि भई ५६ लाख १० हजार टन धान उत्पादन भएको बताइएको छ ।
धान नेपालको मुख्य खाद्यान्न बाली हो । मनाङ्ग र मुस्ताङ्ग बाहेक सबै जिल्लामा धान खेती हुँदै आएको छ । नेपालमा मौसमको आधारमा चैते धान, वर्षे धान, भदैया धान, घैया धान र बोरो (हिउँदे) को रुपमा धान खेती गर्ने गरिन्छ । खेती गरिने कुल क्षेत्रफलको ४८.३ प्रतिशत जमिनमा धान खेती गरिँदै आएको छ ।

- Advertisement -spot_img

More articles

LEAVE A REPLY

Please enter your comment!
Please enter your name here

भर्खर