21.4 C
Kathmandu
 

एसईई : परीक्षा नियन्त्रक भन्छन्- बोर्डको बैठकलगत्तै नतिजा सार्वजनिक गर्छौं

काठमाडौँ । परीक्षा नियन्त्रण कार्यालय (पनिका), सानो ठिमीले माध्यामिक शिक्षा परीक्षा (एसईई) को नतिजा र प्रमाणपत्र चाँडै सार्वजनिक गर्दै छ ।

परीक्षा नियन्त्रक रामराज खकुरेलले राष्ट्रिय परीक्षा बोर्डको बैठक बस्नेबित्तिकै नतिजा सार्वजनिक गरिने जानकारी दिए । उनका अनुसार परीक्षा नियन्त्रण कार्यालयको तयारी अन्तिम अवस्थामा पुगिसकेको र बोर्ड बैठकको लागि मात्र कुरिरहेको छ । भन्छन्, “अध्यक्षले बोर्डको बैठक डाक्नेबित्तिकै एक-दुई दिनभित्र नतिजा सार्वजनिक हुन्छ ।”

कोभिड १९ को कारणले यस वर्षको एसईई परीक्षा सम्पूर्ण तयारीको बावजुद स्थगित भएको थियो । शिक्षा मन्त्रालयले चैत ६ गतेबाट सुरु गर्न लागेको परीक्षा चैत ५ गते अघिल्लो दिन कोरोना भाइरसको त्रास देखाउँदै स्थगित गरेको थियो । मुलुकभर कोरोना संक्रमण बढ्दै गएपछि जेठ २८ मा बसेको अर्को बैठकबाट परीक्षा रद्द गरी आन्तरिक मूल्यांकनलाई आधार बनाएर राष्ट्रिय परीक्षा बोर्डले प्रमाणपत्र जारी गर्ने निर्णय गर्‍यो ।

यो वर्ष एसईईमा चार लाख ८२ हजार ७०७ विद्यार्थी सहभागी छन् । परीक्षा रद्द भएकाले विद्यालयले पठाएको अन्तिम मूल्यांकनबाटै नतिजा प्रकाशित गरिनेछ । एसईईमा पनिकाले प्रश्न बनाउने, उत्तर जान्ने, परीक्षा गराउने र नतिजा प्रकाशित गर्दै आएकामा यसपटक ती सम्पूर्ण अधिकार विद्यालयले पाएको थियो ।

विद्यालयले शिक्षा विकास समन्वय एकाइलाई अन्तिम मूल्यांकन पठाएको र एकाइले परीक्षा नियन्त्रण कार्यालयलाई अन्तिम मूल्यांकन बुझाएको थियो । अब बोर्डको बैठकबाट सो मूल्यांकनलाई प्रमाणीकरण गरी नतिजा सार्वजनिक गर्न लागेको हो ।

विद्यालयले पठाएको अन्तिम मूल्यांकनकै आधारमा प्रमाणपत्र पाइने भएकाले यसपटकको नतिजालाई शंकास्पद तरिकाले हेरिएको छ । तर नियन्त्रक खकुरेलका अनुसार एसईईको सम्पूर्ण अधिकार विद्यालयले पाएको र पनिकाले नतिजा मात्र प्रमाणीकरण गरिदिने हुँदा धाँधली भए/नभएबारे केही बताउन नसक्ने बताउँछन् ।

 

- Advertisement -

More articles

LEAVE A REPLY

Please enter your comment!
Please enter your name here

भर्खर

संघीयताको औचित्य पुष्टि गर्ने काम हाम्रै हो : सभामुख सापकोटा

काठमाडौं । प्रतिनिधिसभाका सभामुख अग्निप्रसाद सापकोटाले संघीयताको ओचित्य पुष्टि गर्ने काम आफूहरुकै भएको बताएका छन् । संघीय संसदको आयोजनामा शुक्रबार सुरु भएको संघ र सात...

उद्योग वाणिज्य महासंघको साधारणसभा : बन्दसत्रमा कसले के भने ?

काठमाडौं । नेपाल उद्योग वाणिज्य महासंघका उमेदवारहरुले आफूलाई निर्वाचित गराउन आग्रह गरेका छन् । साधारणसभाको बन्दसत्रमा वरिष्ठ उपाध्यक्ष एवं उपाध्यक्षका उमेदवारहरुले आ-आफ्नो एजेन्डा प्रस्तुत...

उद्योग वाणिज्य महासंघको निर्वाचनमा १ हजार ११६ प्रतिनिधिले मतदान गर्ने

काठमाडौं । नेपाल उद्योग वाणिज्य महासंघको निर्वाचनमा १ हजार १ सय १६ जनाले मतदान गर्ने भएका छन् । महासंघको निर्वाचन समितिले सार्वजनिक गरेको मुख्य...

प्रधानमन्त्री ओलीको मोदीलाई सन्देश- इतिहासले विरासतमा छाडेको सीमा समस्या मिलेर सल्टाऔं

प्रधानमन्त्री केपी शर्मा ओलीले सीमालगायत सबै द्विपक्षीय समस्या वार्ताबाटै समाधान गर्न नेपाल तत्पर रहेको सन्देश भारतीय पक्षलाई दिएका छन्।नेपाल भ्रमणमा रहेका भारतीय विदेश सचिव...

नवलपरासी (पूर्व), सुर्खेत र कञ्‍चनपुरमा ३ जना मृत भेटिए

काठमाडौं । नवलपरासी (पूर्व), सुर्खेत र कञ्‍चनपुरमा तीनजना मृत फेला परेका छन् । नवलपरासी (पूर्व) को देवचुली नगरपालिका १७, कुजौलीस्थित नारायणी नदीमा गैंडाकोट नगरपालिका...