कोपा अमेरिका फुटबलमा अर्जेन्टिनाले खराब सुरुवात गरेको छ। आइतबार बिहान सकिएको खेलमा कोलम्बियासँग २–० ले स्तब्ध हुन पुग्यो ।
फोन्टे नोभा एरेनामा पहिलो हाफ गोलरहित बराबरी खेलेपनि अर्जेन्टिनाले दुवै गोल दोस्रो हाफमा खान पुग्यो । अर्जेन्टिनाका स्टार खेलाडी लियोनल मेस्सीसहित मैदान उत्रिएका थिए । कोलम्बियाविरुद्ध बल पोजेसनदेखि टार्गेट गर्नेसम्म जम्मैमा अगाडि रहे पनि गोल गर्न भने अर्जेन्टिना असफल भयो ।
कोलम्बियाका रोजर मार्टिनेजले ७१ औं मिनेटमा गोल गर्दै अग्रता दिलाएका थिए । १ गोलले पछि परेको अर्जेन्टिना झनै दवाबमा आयो । डुवान जाप्टाले ८६ औं मिनेटमा गोल गरेपछि अर्जेन्टिनाले कोपा अमेरिकामा सुखद सुरुवात गर्ने सपना साकार हुन सकेन ।
