काठमाडौँ । नेपालले आज हङकङ सिक्सेसको प्लेट सेमिफाइनल खेल्ने भएको छ ।
क्वाटरफाइनलमा श्रीलंकासँग पराजित भएको नेपालले आज प्लेट सेमिफाइनलमा यूएईको सामना गर्ने भएको हो । यूएई क्वाटरफाइनलमा बंगलादेशसँग पराजित भएको थियो । यो खेल नेपाली समय अनुसार बिहान १०:२० बजेदेखि सुरु हुँदैछ ।
त्यस्तै अर्को प्लेट सेमिफाइनलमा आयोजक हङकङ र दक्षिण अफ्रिका खेल्ने भएका छन् । यो खेल बिहान ९: २० बजेदेखि सुरु हुनेछ । प्लेट फाइनल आजै ३: २५ बजेदेखि हुनेछ ।
त्यस्तै प्रतियोगिताको सेमिफाइनलमा भने आज अस्ट्रेलिया र पाकिस्तान तथा श्रीलंका र बंगलादेश खेल्ने भएका छन् । त्यस्तै फाइनल खेल पनि आजै हुनेछ ।
