काठमाडौँ । इन्टर मियामी एमएलएसको प्लेअफमा एटलान्टासँग पराजित भएको छ । आइतबार सम्पन्न खेलमा एटलान्टाले इन्टर मियामीलाई २-१ गोल अन्तरले पराजित गरेको हो ।
बेस्ट अफ थ्रीमा खेलिने प्लेअफको दोस्रो खेलमा इन्टर मियामी पराजित भएको हो । यसअघि पहिलो खेलमा इन्टर मियामी २-१ ले विजयी भएका हुन् । दुई खेलमा समग्रमा २-२ को बराबरी भएको छ ।
अब तेस्रो तथा अन्तिम खेल नोभेम्बर १० मा हुने छ ।
न्यूक्यासलसँग आर्सनल स्तब्ध
इङलिश प्रिमियर लिग अन्तर्गत आर्सनल न्यूक्यासल युनाइटेडसँग पराजित भएको छ । गएराति सम्पन्न खेलमा न्यूक्यसलले आर्सनललाई १-० गोल अन्तरले पराजित गरेको हो । न्यूक्यासलको जितमा खेलको १२औं मिनेटमा अलेक्जाडर इसकले गरेको गोलनै खेलको निर्णायक गोल बनेको थियो ।
यो जितपछि न्यूक्यासलको १० खेलमा १५ अंक भएको छ र लिगमा नवौं स्थानमा छ । त्यसैगरी आर्सनलको १० खेलमा १८ अंक रहेको छ र लिगमा तेस्रो स्थानमा छन् ।
