गायक किरण चापागाँइको नयाँ सिर्जना सारङ्गी,प्रदेशी र म भर्खरै सार्वजनिक भएको छ । बहुप्रतिभाका धनि गायक किरण चापागाँइले फरक खालका मौलिक सिर्जनाहरु प्रस्तुत गर्दै आईरहेका छन ।
केही बर्ष अगाडी गाउँ गाउँमा गई बिशेष गरेर गन्धर्व जातीका कलाकारहरुले सारङ्गी रेटेर समाजका यथार्थ घटनाहरुलाई गितको रुपमा प्रस्तुत गर्ने गर्दथे । आजभोली निकै कम संख्यामा गन्धर्व कलाकारहरुले गाउँ गाउँमा गएर गित गाउने गरेको पाईन्छ । तिनै गन्धर्व कलाकारहरुको झझल्को आउने गरी मौलिक रुपमा तयार पारिएको गीतमा किरण चापागाँइको आवाज रहेको छ । गोपीकृष्ण लामिछानेको शब्दमा तयार पारिएको गीतमा शुलभ पाण्डेको सशक्त अभिनय रहेको छ ।
गीतमा गायक स्वयंले लय सिर्जना गरेका छन भने म्युजिक भिडियोको किरण मगरले निर्देशन गरेका छन ।
हेर्नुहोस यो भिडियो ।