29.1 C
Kathmandu
 

प्रदेश २ को राजधानी र नाम तोक्न आयोग गठन

काठमाडौं, ११ कार्तिक । प्रदेश २ को राजधानी र नामाङ्कनको विषयमा सुझाव संकलन गर्न प्रदेश सरकारले आयोग गठन गरेको छ । प्रदेशको राजधानी र नामाङ्कनका लागि ढिलाइ भइरहेका बेला प्रदेश सरकारले संवाद तथा सुझाव आयोग गठन गरेको हो ।

आज बसेको मन्त्रिपरिषदको बैठकले डा. हरिवंश झाको संयोजकत्वमा ३ सदस्यीय आयोग गठन गरेको आन्तरिक मामिला तथा कानूनमन्त्री ज्ञानेन्द्रकुमार यादवले जानकारी दिनुभयो । मन्त्रिपरिषदको बैठकले प्रदेशको स्थायी राजधानी र नामाङ्कनको विषय टुङ्गो लगाउन आयोग गठन गर्ने निर्णय भएको आन्तरिक मामिला मन्त्री यादवले बताउनुभयो ।

आयोगको टोलीमा रामप्रवेश बैठा र मोहनलाल चौधरी रहेका छन् । आयोगले प्रदेशको राजधानी र नामाङ्कनको बिषयमा कार्यक्षेत्र भित्र विभिन्न राजनितिक दल, नागरिक समाज, व्यक्ति, संघसंस्था तथा बढी भन्दा बढी व्यक्तिसंग सल्लाह र सुझाव संकलन गर्ने र आयोगले प्रदेशको स्थायी राजधानी र नामाङ्कनको विषयमा ४५ दिनभित्र सुझाव सहितको प्रतिवेदन पेश गर्ने उहाँले जानकारी दिनुभयो ।

- Advertisement -spot_img

More articles

LEAVE A REPLY

Please enter your comment!
Please enter your name here

भर्खर